കൊല്ലം: താന്നിയിൽ വാഹനപകടത്തില് മൂന്ന് മത്സ്യത്തൊഴിലാളികള് മരിച്ചു. പരവൂർ സ്വദേശികളായ അൽ അമീൻ, മാഹിൻ, സുധീർ എന്നിവരാണ് മരിച്ചത്. പുലർച്ചെ മൂന്ന് മണിയോടെ താന്നി ബീച്ചിന് സമീപമാണ് അപകടമുണ്ടായത്.
മത്സ്യബന്ധനത്തിന് പോയി തങ്കശ്ശേരിയിൽ നിന്നും മടങ്ങും വഴിയാണ് അപകടമുണ്ടായത്. ഇവര് സഞ്ചരിച്ച ബൈക്ക് കടല്ഭിത്തിയില് ഇടിച്ച് കയറുകയായിരുന്നു. പ്രഭാത സവാരിക്കെത്തിയവരാണ് ഇവർ മരിച്ചു കിടക്കുന്നത് കണ്ടത്. മൃതദേഹങ്ങള് കൊല്ലം ജില്ലാ ആശുപത്രിയിലേക്ക് മാറ്റി.
