തൃശ്ശൂര്: തൃശ്ശൂരിലെ കേച്ചേരിയില് ഭിന്നശേഷിക്കാരനായ മകനെ അച്ഛന് തീകൊളുത്തി കൊന്നു. മാനസിക വൈകല്യമുള്ള മകന് ഫഹദ് (23)നെയാണ് അച്ഛന് സുലൈമാന് കൊലപ്പെടുത്തിയത്. ഫഹദിനെ തൃശ്ശൂര് മെഡിക്കല് കോളേജ് ആശുപത്രിയില് എത്തിച്ചെങ്കിലും രക്ഷിക്കാനായില്ല. കേച്ചരിക്കടുത്ത് പട്ടിക്കരയിലാണ് സംഭവം.
സുലൈമാനെ പൊലീസ് അറസ്റ്റ് ചെയ്തു. ചോദ്യം ചെയ്യലില് ഇയാള് കുറ്റം സമ്മതിച്ചു. മകനെ ഒഴിവാക്കാനായാണ് ക്രൂരകൃത്യം ചെയ്തതെന്ന് സുലൈമാന് മൊഴി നല്കി. സുലൈമാനും മാനസിക വെല്ലുവിളി നേരിടുന്നയാളാണ്. സംഭവത്തിനിടെ സുലൈമാനും പൊള്ളലേറ്റു. ഇയാളെ തൃശ്ശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ചിട്ടുണ്ട്.
