കോഴിക്കോട് : നാദാപുരം വളയത്ത് കള്ളൂണിയെ വിഴുങ്ങിയ കൂറ്റൻ പെരുമ്പാമ്പിനെ നാട്ടുകാരുടെ സഹായത്തോടെ പിടികൂടി. വളയം പൂവ്വംവയൽ ജീഷ്ണു പ്രണോയ് നഗറിൽ നിന്നാണ് പെരുമ്പാമ്പിനെ കണ്ടെത്തിയത്.
നാട്ടുകാർ വിവരം അറിയിച്ചതിനെ തുടർന്ന് എം.പി. നിജേഷ് സ്ഥലത്തെത്തിയാണ് പാമ്പിനെ സാഹസികമായി പിടികൂടിയത്. പിടികൂടിയ സമയത്ത് ഈ കൂറ്റൻ പെരുമ്പാമ്പ് ഒരു കാളൂണിയെ പൂർണ്ണമായി വിഴുങ്ങിയ നിലയിലായിരുന്നു.പ്രദേശത്ത് നിരവധി ദിവസങ്ങളായി പെരുമ്പാമ്പിന്റെ സാന്നിധ്യമുണ്ടായിരുന്നു.പിടികൂടിയ പെരുമ്പാമ്പിനെ വനംവകുപ്പ് ഉദ്യോഗസ്ഥർക്ക് കൈമാറി. നാട്ടിലെ ജനവാസ മേഖലകളിൽ പെരുമ്പാമ്പുകളുടെ സാന്നിധ്യം വർദ്ധിക്കുന്ന സാഹചര്യത്തിൽ ജാഗ്രത പാലിക്കണമെന്ന് വനംവകുപ്പ് അധികൃതർ നിർദ്ദേശിച്ചു.
