കൊയിലാണ്ടി : കൊല്ലം അരയൻകാവ് ഭഗവതി ക്ഷേത്രോത്സവം തുടങ്ങി. വെള്ളിയാഴ്ച രാവിലെ കൊടിയേറ്റം, ഉച്ചയ്ക്ക് അന്നദാനം, ദേവിഗാനവും നൃത്തവും, കരിമരുന്ന് പ്രയോഗം എന്നിവ നടന്നു. 28-ന് രാത്രി ആധ്യാത്മിക പ്രഭാഷണം.
29-ന് വൈകീട്ട് ഓട്ടൻതുള്ളൽ, ഏഴിന് തായമ്പക. 30-ന് ഏഴിന് അരയൻകാവ് ടീം അവതരിപ്പിക്കുന്ന കൈകൊട്ടിക്കളി. 31-ന് വൈകീട്ട് വാളെഴുന്നള്ളത്ത്, ഏഴിന് ഇരട്ടത്തായമ്പക, ഒൻപതിന് സ്കോളർഷിപ്പ് വിതരണം. ഏപ്രിൽ ഒന്നിന് വൈകീട്ട് നാലിന് ഇളനീർക്കുലവരവ്.
ആറിന് എഴുന്നള്ളത്ത്, രാത്രി നാന്തകം എഴുന്നള്ളിപ്പ് തുടർന്ന് കരിമരുന്ന് പ്രയോഗം. രണ്ടിന് നാലിന് വെള്ളിക്കുട എഴുന്നള്ളിപ്പ്. മൂന്നിന് കാളിയാട്ടം, പിഷാരികാവിലേക്ക് ഭഗവതിയുടെ പുറപ്പാട്.
