Ernakulam
സിദ്ധാര്ത്ഥന്റെ മരണം; പ്രതികളായ 19 വിദ്യാര്ത്ഥികളെ പുറത്താക്കി കേരള വെറ്ററിനറി സര്വകലാശാല
കൊച്ചി: വയനാട് പൂക്കോട് വെറ്റിനറി കോളേജിലെ രണ്ടാം വർഷ വിദ്യാർത്ഥി സിദ്ധാർത്ഥന്റെ മരണത്തിൽ പ്രതികളായ 19 വിദ്യാര്ത്ഥികളെ കേരള വെറ്ററിനറി സര്വകലാശാല പുറത്താക്കി. ഹൈക്കോടതിയിലാണ് വിദ്യാര്ത്ഥികള്ക്കെതിരായ നടപടിയെ കുറിച്ച് വെറ്ററിനറി സര്വകലാശാല അറിയിച്ചത്.
19 വിദ്യാര്ത്ഥികള് കുറ്റക്കാരെന്ന് അന്വേഷണത്തില് കണ്ടെത്തിയെന്നും സര്വകലാശാല കോടതിയെ അറിയിച്ചു. സിദ്ധാര്ത്ഥന്റെ അമ്മ എംആര് ഷീബ നല്കിയ ഹര്ജിയിലാണ് മറുപടി. 19 പേര്ക്ക് മറ്റ് ക്യാമ്പസുകളില് പ്രവേശനം നല്കിയത് ചോദ്യം ചെയ്തായിരുന്നു ഹര്ജി.
സമാനതകൾ ഇല്ലാത്ത ക്രൂരതയാണ് സിദ്ധാർത്ഥനെതിരെ നടന്നത്. ഹോസ്റ്റൽ മുറി, ഡോർമെറ്ററി, നടുമുറ്റം, സമീപത്തെ കുന്ന് എന്നിവിടങ്ങളിൽ വെച്ചായിരുന്നു സിദ്ധാർത്ഥനെതിരെ ക്രൂര മർദ്ദനം നടന്നത്.
