കാസര്കോഡ്: നീലേശ്വരത്ത് പട്ടാപ്പകല് വീട്ടില് കയറി ഇതരസംസ്ഥാന തൊഴിലാളിയുടെ പരാക്രമം. നീലേശ്വരം സ്വദേശി ഗോപകുമാര് കോറോത്തിന്റെ വീട്ടിൽ വെള്ളിയാഴ്ച രാവിലെ ഒമ്പത് മണിയോടെയാണ് സംഭവം. കർണാടക സ്വദേശിയായ യുവാവാണ് വീട്ടിൽ കയറി അക്രമം നടത്തിയത് . വീടിന്റെ പുറകുവശത്തുകൂടിയാണ് ഇയാള് വീടിനകത്തേക്ക് കയറിയത്.
ഈ സമയത്ത് അടുക്കളയിൽ ഗോപകുമാറിന്റെ ഭാര്യ രാഖിയും വീട്ടുജോലിക്കെത്തിയ സ്ത്രീയുമുണ്ടായിരുന്നു. പിന്നീട് അടുക്കളയിലുണ്ടായിരുന്ന കത്തിയെടുത്ത് അക്രമി വീട്ടുകാര്ക്ക് നേരെ വീശിയതോടെ ഇവർ മുറിയിൽ കയറി വാതിലടച്ചു.
പിന്നീട് പോലീസ് എത്തിയപ്പോള് ശുചിമുറിയില് കയറി ഒളിച്ച പ്രതിയെ ഉദ്യോഗസ്ഥർ ചേർന്ന് പുറത്തിറക്കുകയായിരുന്നു. ഇയാൾ വീട്ടിലേക്ക് കയറുന്നതിന്റെ സിസിടിവി ദൃശ്യങ്ങൾ പുറത്ത് വന്നിട്ടുണ്ട്. കര്ണാടക സ്വദേശിയായ യുവാവിന് മാനസിക പ്രശ്നങ്ങളുണ്ടെന്നാണ് സംശയം.
