നവസങ്കല്പ്പ് ചിന്തന്ശിബിരം ഇന്നുമുതൽ കോഴിക്കോട്, ചർച്ചയാകുക സംഘടനാ സംവിധാനവും ലോക്സഭ തെരഞ്ഞെടുപ്പും
കോഴിക്കോട്: നവസങ്കല്പ്പ് ചിന്തന്ശിബിരം ഇന്ന് കോഴിക്കോട് തുടങ്ങും. സംഘടനാ സംവിധാനം ശക്തമാക്കുന്നതിനൊപ്പം ലോക് സഭാ തെരഞ്ഞെടുപ്പ് തന്ത്രങ്ങളും രണ്ട് ദിവസം നീളുന്ന ചിന്തന് ശിബിറിൽ ചര്ച്ചയാകും. കെ പി സി സി ഭാരവാഹികള്ക്കു പുറമേ ഡിസിസി പ്രസിഡന്റുമാരും പോഷകസംഘടനാ ഭാരവാഹികളുമടക്കം 200 ഓളം പ്രതിനിധികളാണ് കോഴിക്കോട് ബീച്ചിന് സമീപമുള്ള ആസ്പിന്കോര്ട്ട് യാര്ഡില് നടക്കുന്ന ചിന്തന് ശിബിരത്തില് പങ്കെടുക്കുക.
ഉദയ്പൂര് ചിന്തന് ശിബിരത്തിന്റെ മാതൃകയിലാകും ചര്ച്ചകള് നടത്തുക. എഐസിസി ജനറല് സെക്രട്ടറി കെ സി വേണുഗോപാല് ഉദ്ഘാടനം ചെയ്യും. കേരളത്തിന്റെ ചുമതലയുള്ള ജനറല് സെക്രട്ടറി താരീഖ് അന്വര്, മധ്യപ്രദേശ് മുന് മുഖ്യമന്ത്രി ദ്വിഗ് വിജയ് സിംഗ്, എ ഐസിസി സെക്രട്ടറി വിശ്വനാഥന് പെരുമാള് എന്നിവര് എഐസിസിയെ പ്രതിനിധീകരിച്ച് ചര്ച്ചകളില് പങ്കെടുക്കും.
