കോഴിക്കോട്: കോവിഡ് മൂലം മരണപ്പെട്ടവർക്കുള്ള ധനസഹായത്തിനുള്ള അപേക്ഷ സമർപ്പിക്കേണ്ട തീയതിയിൽ മാറ്റം. 2022 മാർച്ച് 20ന് മുമ്പ് കോവിഡ് മൂലം മരണപ്പെട്ടവരുടെ ധനസഹായത്തിനുള്ള അപേക്ഷ 2022 മാർച്ച് 24 മുതൽ 60 ദിവസത്തിനകം നൽകേണ്ടതാണ്. 2022 മാർച്ച് 20 നോ അതിനുശേഷമോ കോവിഡ് മൂലം മരണപ്പെട്ടവരുടെ അപേക്ഷ മരണംനടന്ന് 90 ദിവസത്തിനകം സമർപ്പിക്കാം.
വ്യക്തമായ കാരണങ്ങളാൽ നിശ്ചിത തീയതിക്കകം അപേക്ഷ നൽകാൻ കഴിയാതെ പോയവർ കോവിഡ് മരണവുമായി ബന്ധപ്പെട്ട പരാതി പരിഹാര കമ്മറ്റിക്ക് അപേക്ഷ നൽകേണ്ടതും കമ്മറ്റിയുടെ തീരുമാനപ്രകാരം നടപടികൾ കൈക്കൊള്ളുന്നതുമാണ്.
കോവിഡ് മൂലം മരണപ്പെടുകയും കോവിഡ് മരണലിസ്റ്റിൽ ഉൾപ്പെടാതെ പോകുകയും ചെയ്തവരുടെ അനന്തരാവകാശികൾ ഉടൻതന്നെ അപ്പീൽ നൽകേണ്ടതാണെന്നും കോഴിക്കോട് ജില്ലാ മെഡിക്കൽ ഓഫീസർ അറിയിച്ചു.
