കോഴിക്കോട്: സ്കൂളിന്റെയും ട്യൂഷൻ സെന്ററിന്റെയും ഓൺലൈൻ ക്ലാസിൽ നുഴഞ്ഞുകയറി അജ്ഞാതന്റെ നഗ്നതാ പ്രദർശനം. സംഭവത്തില് പൊലീസ് കേസെടുത്തു. മീഞ്ചന്ത ഗവ. ഹൈസ്കൂൾ, വിശ്വവിദ്യാപീഠം ട്യൂഷൻ സെൻറർ എന്നിവയുടെ ഓൺലൈൻ ക്ലാസിലാണ് അജ്ഞാതന് നുഴഞ്ഞുകയറിയത്.
കഴിഞ്ഞ ദിവസമാണ് സംഭവം നടന്നത്. ഓൺലൈൻ ക്ലാസ് നടക്കവെ അജ്ഞാതൻ നുഴഞ്ഞുകയറി അസഭ്യം പറയുകയും നഗ്നതാ പ്രദനർശനം നടത്തുകയുമായിരുന്നു. സ്കൂൾ, ട്യൂഷൻ സെൻറർ അധികൃതരുടെ പരാതിയിൽ പന്നിയങ്കര പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു
