സുല്ത്താന്ബത്തേരി: തെങ്ങ് മുറിക്കുന്നതിനിടെ അപകടത്തില്പെട്ട് പരിക്കേറ്റ ഗൃഹനാഥന് മരിച്ചു. പുല്പ്പള്ളിയില് എരിയപ്പള്ളി നെല്ലിമണ്ണില് രാജന് (52) ആണ് മരിച്ചത്. ഞായറാഴ്ച രാവിലെ പതിനൊന്ന് മണിയോടെ വീടിനു സമീപത്ത് ഉണങ്ങിനിന്ന തെങ്ങ് വെട്ടിമാറ്റുന്നതിനിടെയായിരുന്നു സംഭവം.
പിന്നീട് ഗുരുതരമായി പരിക്കേറ്റ രാജനെ കല്പ്പറ്റയിലെ ആശുപത്രിയിലും തുടര്ന്ന് കോഴിക്കോട് മെഡിക്കല് കോളേജ് ആശുപത്രിയിലും എത്തിച്ചെങ്കിലും മരണപ്പെട്ടു .
കല്പ്പറ്റയില് നിന്നും കോഴിക്കോട്ടേക്ക് ഇദ്ദേഹത്തെ കൊണ്ടു പോകുന്നതിനിടയില് ചുരത്തിലെ ഗതാഗത കുരുക്ക് കാരണം ആംബുലന്സ് കടന്നുപോകാന് ഏറെ പ്രയാസം നേരിട്ടതായി ബന്ധുക്കള് പറയുന്നു. ബി.ജെ.പി പ്രാദേശിക നേതാവായിരുന്ന രാജന് പുല്പ്പള്ളി താഴെ അങ്ങാടിയില് ഭക്ഷണശാല നടത്തിവരികയായിരുന്നു. ഭാര്യ: വസന്ത.
