Thiruvananthapuram
ജെസ്ന തിരോധാന കേസിൽ തുടരന്വേഷണത്തിന് കോടതി ഉത്തരവ്; നിർണായക നടപടി അച്ഛൻ നൽകിയ ഹർജിയിൽ
തിരുവനന്തപുരം: ജെസ്ന തിരോധാന കേസിൽ തുടരന്വേഷണത്തിന് കോടതി ഉത്തരവിട്ടു. ജസ്നയുടെ അച്ഛൻ ജയിംസ് ജോസഫ് നൽകിയ ഹർജിയിലാണ് സിജെഎം കോടതിയുടെ ഉത്തരവ്. വിധിയിൽ സന്തോഷമുണ്ടെന്നും അന്വേഷണത്തിൽ പ്രതീക്ഷയുണ്ടെന്നും ജെസ്നയുടെ അച്ഛൻ ജെയിംസ് പ്രതികരിച്ചു.
കേസ് ഡയറി കഴിഞ്ഞ ദിവസം സിബിഐ കോടതിയില് ഹാജരാക്കിയിരുന്നു. സീല് ചെയ്ത കവറില് കേസുമായി ബന്ധപ്പെട്ട ചില ചിത്രങ്ങളും കഴിഞ്ഞ ദിവസം ജെയിംസ് കോടതിയില് ഹാജരാക്കിയിരുന്നു. ഇത് സി ബി ഐ അന്വേഷണ പരിധിയില് വന്നിരുന്നോ എന്ന് പരിശോധിച്ച ശേഷം ഇല്ലെന്ന് വ്യക്തമായതോടെയാണ് തുടരന്വേഷണത്തിന് ഉത്തരവിട്ടത്.
പത്തനംതിട്ട വെച്ചൂച്ചിറ സ്വദേശി ജസ്നയെ 2018 മാര്ച്ച് 22 നാണ് കാണാതായത്.മകള് ജീവിച്ചിരിപ്പില്ലെന്നും തന്റെ അന്വേഷണത്തില് കൂടുതല് തെളിവുകള് ലഭിച്ചുവെന്നുമാണ് അച്ഛന് ജയിംസിന്റെ അവകാശവാദം.
