ഒഡീഷ സ്വദേശി ഹോപ്ന സോറൻ (39) ആണ് മരിച്ചത്. ലോറി ഡ്രൈവർ ചപ്പാരപ്പടവ് സ്വദേശി റാഷിദ് (25), ഒഡീഷ സ്വദേശി ത്രിമൂർത്തി (30), പട്ടുവം മുതുകുട സ്വദേശി രമേശൻ (60) എന്നിവർക്കാണ് പരുക്കേറ്റത്.
റാഷിദിനെയും ത്രിമൂർത്തിയെയും പരിയാരം ഗവ. മെഡിക്കൽ കോളജ് ആശുപത്രിയിലും രമേശനെ കണ്ണൂർ മിംസ് ആശുപത്രിയിലും പ്രവേശിപ്പിച്ചു.
ഇന്ന് രാവിലെ 9 ഓടെ പരിയാരം പഞ്ചായത്തിലെ നെല്ലിപ്പറമ്പ് വെള്ളാവ് റോഡിൽ മുച്ചിലോട്ടിനു സമീപമാണ് അപകടം ഉണ്ടായത്.
റോഡ് നിർമാണ പ്രവൃത്തികൾക്കായി മെറ്റലുമായി പോകുകയായിരുന്ന ലോറിയാണ് അപകടത്തിൽപെട്ടത്. റോഡിന് വീതി കുറവുള്ള ഇവിടെ ഇതിനു മുൻപും പലതവണ അപകടങ്ങൾ നടന്നതായി നാട്ടുകാർ പറയുന്നു.
