കോഴിക്കോട് : തീപ്പിടിത്തമുണ്ടായതിനെ തുടര്ന്ന് താല്ക്കാലികമായി അടച്ച കോഴിക്കോട് മെഡിക്കല് കോളേജ് പിഎംഎസ്എസ്വൈ ബ്ലോക്കിലെ സര്ജിക്കല് സൂപ്പര് സ്പെഷ്യാലിറ്റി അത്യാഹിത വിഭാഗം ഓഗസ്റ്റ് 24 വൈകിട്ട് നാലു മണിയോടെ പ്രവര്ത്തനം പുനരാരംഭിക്കും. വാര്ഡുകള് ഓഗസ്റ്റ് 27ഓടെ പ്രവര്ത്തന സജ്ജമാകുമെന്നും ജില്ലാ കലക്ടര് സ്നേഹില് കുമാര് സിംഗ് അറിയിച്ചു.
ജില്ലാ കലക്ടറുടെ നേതൃത്വത്തിലുള്ള സാങ്കേതിക സമിതി കെട്ടിടത്തിന്റെ സുരക്ഷയുമായി ബന്ധപ്പെട്ട എല്ലാ വശങ്ങളും അവലോകനം ചെയ്ത ശേഷമാണ് പ്രവര്ത്തനം പുനരാരംഭിക്കാനുള്ള തീരുമാനം കൈക്കൊണ്ടത്. കമ്മിറ്റിയില് ഉള്പ്പെട്ട പൊതുമരാമത്ത് വകുപ്പ് കെട്ടിടവിഭാഗം, ഇലക്ട്രിക്കല് ഇന്സ്പെക്ടറേറ്റ് ഉള്പ്പെടെയുള്ള ഏജന്സികള് നിര്ദ്ദേശിച്ച അറ്റകുറ്റപ്പണികള് പൂര്ത്തിയാക്കിയ ശേഷം, അഗ്നി സുരക്ഷാ വിഭാഗം ആവശ്യമായ പരിശോധനകള് നടത്തി കെട്ടിടത്തിന് കഴിഞ്ഞ ദിവസം എന്ഒസി നല്കിയിരുന്നു.
