സാഫ് അണ്ടര് 16 ചാമ്പ്യന്ഷിപ്പ് കിരീടം ഇന്ത്യയ്ക്ക്. ഫൈനലില് ബംഗ്ലാദേശിനെ ഏകപക്ഷീയമായ രണ്ടു ഗോളിന് തകര്ത്താണ് ഇന്ത്യ സാഫ് കപ്പ് സ്വന്തമാക്കിയത്. മത്സരത്തിന്റെ എട്ടാം മിനിറ്റില് ഇന്ത്യ യുവനിര ആദ്യ ഗോള് നേടി ബംഗ്ലാദേശിനെ വിറപ്പിച്ചു.(India Beat Bangladesh in Final to Win SAFF U-16 Championships)
ഭാരത് ലൈരന്ജാം ആണ് ഇന്ത്യയ്ക്കായി ആദ്യ ഗോള് നേടിയത്. രണ്ടാം പകുതിയിലാണ് ഇന്ത്യയുടെ രണ്ടാം ഗോള് എത്തുന്നത്. 74-ാം മിനിറ്റില് ലെവിസ് സാങ്മിന്ലുനാണ് ഗോള് നേടിയത്. അവസാന ഘട്ടത്തില് ബംഗ്ലാദേശ് കനത്ത ആക്രമണം നടത്തിയെങ്കിലും ഇന്ത്യന് പ്രതിരോധം അതെല്ലാം നിഷ്ഫലമാക്കുകയായിരുന്നു.
മുന് കേരള ബ്ലാസ്റ്റേഴ്സ് സഹപരിശീലകന് ഇഷ്ഫാഖ് അഹമ്മദ് ഇന്ത്യന് അണ്ടര് 16 പരിശീലകനായ ശേഷമുള്ള ഇന്ത്യയുടെ ആദ്യ ടൂര്ണമെന്റായിരുന്നു ഇത്. ടൂര്ണമെന്റില് എതിരാളികള്ക്ക് വല കുലുക്കാന് അവസരം നല്കാതെ 12 ഗോളുകളാണ് ഇന്ത്യ അടിച്ചുകൂട്ടിയത്. ഈ വര്ഷത്തെ സീനിയര് സാഫ് കിരീടവും ഇന്ത്യക്കായിരുന്നു.
