Kozhikode
പ്രസവ ശസ്ത്രക്രിയക്കിടെ വയറ്റില് കത്രിക കുടുങ്ങിയ സംഭവം; ആഭ്യന്തരവകുപ്പ് അന്വേഷിക്കും; യുവതിക്ക് 2 ലക്ഷം സഹായം
കോഴിക്കോട്: മെഡിക്കല് കോളേജ് ആശുപത്രിയില് പ്രസവ ശസ്ത്രക്രിയക്കിടെ വയറ്റില് കത്രിക മറന്നുവെച്ച സംഭവത്തില് അന്വേഷണം പ്രഖ്യാപിച്ച് ആഭ്യന്തര വകുപ്പ്. വയറ്റില് കത്രിക കുടുങ്ങിയ പന്തീരാങ്കാവ് മലയിൽക്കുളങ്ങര അഷ്റഫിന്റെ ഭാര്യ ഹര്ഷിനയ്ക്ക് ദുരിതാശ്വാസ നിധിയില് നിന്നും രണ്ട് ലക്ഷം രൂപ ധനസഹായം നല്കാനും തീരുമാനമായി.
ആരോഗ്യ വകുപ്പിന്റെ കീഴില് നടത്തിയ രണ്ട് അന്വേഷണങ്ങളിലും കത്രിക കുടുങ്ങിയത് എങ്ങനെ എന്ന് കണ്ടെത്താനായിരുന്നില്ല ഈ സാഹചര്യത്തിലാണ് ആഭ്യന്തര വകുപ്പ് അന്വേഷണം. ഇന്ന് ചേര്ന്ന മന്ത്രിസഭാ യോഗത്തിലാണ് തീരുമാനം. 2017 നവംബര് 30നാണ് കോഴിക്കോട് മെഡിക്കല് കോളേജ് ആശുപത്രിയില് യുവതി പ്രസവ ശസ്ത്രക്രിയയ്ക്ക് വിധേയമായത്. ശസ്ത്രക്രിയക്കിടെ ഉപകരണം വയറ്റില് കുടുങ്ങിയെന്നാണ് ഹര്ഷിനയുടെ പരാതി.
