കോട്ടയം: ഭക്ഷ്യവിഷബാധയെ തുടര്ന്ന് യുവതി മരിച്ചതുമായി ബന്ധപ്പെട്ട് ഉദ്യോഗസ്ഥര്ക്കെതിരെ നടപടിയുമായി കോട്ടയം നഗരസഭ. കോട്ടയം നഗരസഭയിലെ ഹെല്ത്ത് സൂപ്പര്വൈസറെ സസ്പെന്ഡ് ചെയ്തു. ഭക്ഷ്യവിഷബാധ ഉണ്ടായ ഹോട്ടലിന് വീണ്ടും അനുമതി നല്കിയതിനെ തുടര്ന്നാണ് നടപടി. അടുക്കള കെട്ടിടത്തിന് ലൈസന്സ് ഇല്ലാതിരുന്നിട്ടും ഹോട്ടലിന് പ്രവര്ത്തനാനുമതി കൊടുത്തെന്ന് കണ്ടെത്തി.
അതേസമയം ഭക്ഷ്യവിഷബാധയെ തുടര്ന്ന് യുവതി മരിച്ച കോട്ടയം സംക്രാന്തിയിലെ പാര്ക്ക് ഹോട്ടലിനെതിരെ കൂടുതല് പരാതികള്. ഒരു കുടുംബത്തിലെ ആറുപേര്ക്കും ഭക്ഷ്യ വിഷബാധയേറ്റു . ആര്പ്പൂക്കര സ്വദേശി കെ ആര് ഷാജിക്കും കുടുംബത്തിനുമാണ് ഭക്ഷ്യവിഷബാധയേറ്റത്. ഫോണില് പരാതി പറഞ്ഞിട്ടും പൊലീസ് തിരിഞ്ഞ് നോക്കിയില്ലെന്നും ഷാജി പറഞ്ഞു.
