വടകര: വടകര പൊലീസ് കസ്റ്റഡിയില് യുവാവ് കുഴഞ്ഞു വീണ് മരിച്ച സംഭവത്തില് രണ്ടു പൊലീസ് ഉദ്യോഗസ്ഥര് അറസ്റ്റില്. എസ്ഐ നിജീഷ്, സിവില് പൊലീസ് ഓഫിസര് പ്രജീഷ് എന്നിവരാണ് അറസ്റ്റിലായത്. മുന്കൂര് ജാമ്യം ഉള്ളതിനാല് ഇവരെ സ്റ്റേഷന് ജാമ്യത്തില് വിട്ടയച്ചു. ഇരുവര്ക്കുമെതിരെ നരഹത്യയ്ക്ക് നേരത്തെ കേസെടുത്തിരുന്നു.
ജൂലൈ 21ന് രാത്രിയാണ് വാഹനാപകട തര്ക്കവുമായി ബന്ധപ്പെട്ട് വടകര കല്ലേരി സ്വദേശി സജീവനെ വടകര പൊലീസ് കസ്റ്റഡിയിലെടുത്തത്. പിന്നീട് വിട്ടയച്ചെങ്കിലും സജീവന് സ്റ്റേഷന് വളപ്പില് കുഴഞ്ഞുവീണു മരിക്കുകയായിരുന്നു.
