തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ മാറ്റമില്ലാതെ തുടരുന്നു. 22 കാരറ്റ് സ്വർണം ഗ്രാമിന് 14,120 രൂപയും പവന് 1,12,960 രൂപയുമാണ് ശനിയാഴ്ചത്തെ വിപണി നിരക്ക്.
ഇന്നലെ വൈകീട്ടത്തെ അതേ നിരക്കിലാണ് ഇന്നും വ്യാപാരം നടക്കുന്നത്. അക്ഷയ തൃതീയ ദിനമായ ഏപ്രിൽ 19-ന് രേഖപ്പെടുത്തിയ 1,14,240 രൂപയാണ് ഈ മാസത്തെ ഏറ്റവും ഉയർന്ന നിരക്ക്.
ഏപ്രിൽ രണ്ടിന് രേഖപ്പെടുത്തിയ 1,09,240 രൂപയാണ് ഈ മാസത്തെ ഏറ്റവും കുറഞ്ഞ വില. ആഗോള സാഹചര്യങ്ങളാണ് സ്വർണവിലയിലെ നിലവിലെ ചാഞ്ചാട്ടത്തിന് പ്രധാന കാരണമാകുന്നത്.പശ്ചിമേഷ്യയിലെ യുദ്ധസാഹചര്യങ്ങളും ആഗോള സാമ്പത്തിക പ്രതിസന്ധിയും നിക്ഷേപകരെ സ്വർണത്തിലേക്ക് ആകർഷിക്കുന്നുണ്ടെങ്കിലും, ഹോർമുസ് കടലിടുക്ക് വഴിയുള്ള ഇന്ധന നീക്കം പുനരാരംഭിച്ചത് വിപണിയിൽ നേരിയ പ്രതീക്ഷ നൽകുന്നുണ്ട്.
യുഎസ് ഫെഡറൽ റിസർവ് പലിശ നിരക്കുകളിൽ വരുത്തുന്ന മാറ്റങ്ങൾക്കനുസരിച്ചായിരിക്കും വരും ദിവസങ്ങളിലെ സ്വർണവിലയുടെ ഗതി നിർണ്ണയിക്കപ്പെടുക. ഡോളറിന്റെ മൂല്യത്തിലുണ്ടാകുന്ന മാറ്റങ്ങളും വിപണിയെ സ്വാധീനിക്കുന്നുണ്ട്.വരും ദിവസങ്ങളിലും വിലയിൽ വലിയ തോതിലുള്ള ഏറ്റക്കുറച്ചിലുകൾക്ക് സാധ്യതയുണ്ടെന്നാണ് വിപണി വിദഗ്ധരുടെ വിലയിരുത്തൽ.
