Palakkad
നിപ സ്ഥിരീകരിച്ച യുവതിയുടെ ആരോഗ്യനില ഗുരുതരം; നിലവിൽ 208 പേർ സമ്പർക്ക പട്ടികയിൽ, നാലു പേർ ഐസൊലേഷനിൽ തുടരുന്നു
പാലക്കാട്: പാലക്കാട് ജില്ലയിൽ നിപ സ്ഥിരീകരിച്ച് ചികിത്സയിൽ കഴിയുന്ന യുവതിയുടെ ആരോഗ്യനില ഗുരുതരമായി തുടരുന്നു. . 208 പേരാണ് നിലവിൽ യുവതിയുടെ സമ്പർക്ക പട്ടികയിൽ ഉൾപ്പെടുത്തിയിട്ടുള്ളത്. സമ്പർക്ക പട്ടികയിൽ ഉള്ള ഇതര സംസ്ഥാന തൊഴിലാളിക്കായുള്ള അന്വേഷണം തുടരുന്നു. സാധ്യത ലിസ്റ്റിൽ ഉള്ള നാലു പേർ ഐസൊലേഷനിൽ തുടരുകയാണ്. ഇന്ന് മൂന്ന് പേരുടെ സാമ്പിൾ പരിശോധന ഫലം വരും. 9 പേരുടെ സാമ്പിൾ പരിശോധന ഫലം നെഗറ്റീവാണ്.
അതേസമയം, 2185 വീടുകളില് ആരോഗ്യപ്രവര്ത്തകര് ഭവനസന്ദര്ശനം നടത്തി വിവരശേഖരണം ചെയ്തിട്ടുണ്ട്. ജില്ലാ മാനസികാരോഗ്യ വിഭാഗം 165 പേര്ക്ക് ടെലഫോണിലൂടെ കൗണ്സലിംഗ് സേവനം നല്കിയിട്ടുണ്ട്. പാലക്കാട് ഗവ. മെഡിക്കല് കോളേജില് 24 മണിക്കൂറും പ്രവര്ത്തിക്കുന്ന കണ്ട്രോള് സെല്ലിലേക്ക് 21 കോളുകള് പൊതുജനങ്ങളുടെ ഭാഗത്തുനിന്ന് ഉണ്ടായിട്ടുണ്ട്.
