Alappuzha
നിയന്ത്രണം വിട്ടുവന്ന പിക്കപ്പ് വാൻ സ്കൂട്ടറിലിടിച്ച് അപകടം; സ്കൂട്ടർയാത്രികന് ദാരുണാന്ത്യം
ആലപ്പുഴ: നിയന്ത്രണം വിട്ട പിക്കപ് വാൻ എതിർദിശയിൽനിന്നു വന്ന സ്കൂട്ടറില് ഇടിച്ച് സ്കൂട്ടര് യാത്രികന് മരിച്ചു. തലവടി വാത പള്ളിൽ ജോസ് തോമസ് (മോനിച്ചൻ 57) ആണ് മരിച്ചത്. ഇടിയുടെ ആഘാതത്തിൽ സമീപത്തെ മതിൽകെട്ടിനുള്ളിലേക്കു തെറിച്ചു വീണ ജോസ് തോമസിനെ മെഡിക്കൽ കോളജ് ആശുപത്രിയിലെത്തിച്ചെങ്കിലും മരിച്ചു.
രാവിലെ 7.20 ന് എടത്വ ബസ് ഡിപ്പോയ്ക്കു സമീപം ആയിരുന്നു അപകടം. നിലവിൽ താമസിക്കുന്ന ആലപ്പുഴ പറവൂരിലുള്ള വീട്ടിൽ നിന്നും ജോസ് തോമസ് തലവടിയിലേക്ക് വരുന്നതിനിടെ ആണ് സംഭവം.
