രാജ്യത്തെ ഏറ്റവും വലിയ ടെലികോം സേവനദാതാക്കളായ ജിയോയുടെ നെറ്റ്വര്ക്ക് കേരളത്തില് ഉള്പ്പടെ പ്രവര്ത്തനരഹിതമായി. ജിയോ മൊബൈല്, ജിയോഫൈബര് സേവനങ്ങളില് തടസം നേരിടുന്നതായി നിരവധി ഉപഭോക്താക്കള് പരാതിപ്പെട്ടു. ഇന്ന് ഉച്ച മുതലാണ് ജിയോ സേവനങ്ങള് തകരാറിലായത്. ജിയോ നെറ്റ്വര്ക്ക് ഡൗണായതായി സോഷ്യല് മീഡിയ പ്ലാറ്റ്ഫോമായ എക്സില് നിരവധി പേര് പോസ്റ്റ് ചെയ്തിരിക്കുന്നതും കാണാംജിയോയുടെ കാൾ, ഇന്റർനെറ്റ് സേവനങ്ങളാണ് പ്രവർത്തനരഹിതമായത്.
ജിയോയുടെ സോഷ്യൽ മീഡിയ പേജുകളിൽ നിരവധിപേരാണ് പരാതിയുമായി എത്തിയിരിക്കുന്നത്. അതേ സമയം റിലയന്സ് ജിയോ കേരളത്തില് ശക്തമായ വളര്ച്ച തുടരുന്നു. ടെലികോം റെഗുലേറ്ററി അതോറിറ്റി ഓഫ് ഇന്ത്യയുടെ (TRAI) ഏറ്റവും പുതിയ കണക്കുകള് പ്രകാരം 2025 ഏപ്രിലില് 76,000 പുതിയ മൊബൈല് വരിക്കാരെ ചേര്ത്തുകൊണ്ട് പുതിയ വരിക്കാരുടെ എണ്ണത്തില് ജിയോ മുന്നിലെത്തി. കേരളത്തിലെ മൊത്തം പുതിയ വരിക്കാരുടെ എണ്ണം ഏപ്രില് മാസത്തില് 1.11 ലക്ഷം വര്ധിച്ചു.
