കോഴിക്കോട്: വിലങ്ങാട് ടൗൺ കേന്ദ്രീകരിച്ച് അനധികൃത മദ്യ വിൽപന നടത്തിയ യുവാവ് അറസ്റ്റിൽ.വിലങ്ങാട്
അടുപ്പിൽ കോളനി സ്വദേശി അനന്തൻ (45) ആണ് അറസ്റ്റിലായത്. ഇന്നലെ പൊലീസ് പട്രോളിങ്ങിനിടെ വിലങ്ങാട് – വാളുക്ക് പാലത്തിന് സമീപത്ത് നിന്നാണ് പ്രതി പിടിയിലായത്.
സ്കൂട്ടറിന്റെ സീറ്റിനടിയിൽ സൂക്ഷിച്ച നിലയിൽ അര ലിറ്ററിൻ്റെ 14 കുപ്പി മദ്യം പോലിസ് പിടിച്ചെടുത്തു. വർഷങ്ങളായി വിലങ്ങാട് ടൗണിലും പരിസരങ്ങളിലും പ്രതി മദ്യ വിൽപന നടത്തിവരികയായിരുന്നുവെന്ന് പൊലീസ് പറഞ്ഞു.
