കൂരാച്ചുണ്ട് കാട്ടുപന്നി കൂട്ടം റോഡിനു കുറുകെ ചാടി ഓട്ടോ മറിഞ്ഞ് പരിക്കേറ്റ് ചികിത്സയിലായിരുന്നയാള് മരിച്ചു
കൂരാച്ചുണ്ട്: കാട്ടുപന്നി കൂട്ടം റോഡിനു കുറുകെ ചാടി ഓട്ടോ മറിഞ്ഞ് പരിക്കേറ്റ് ചികിത്സയിലായിരുന്നയാള് മരിച്ചു. കൂരാച്ചുണ്ട് ആലകുന്നത്ത് റഷീദ് (45) ആണ് മരിച്ചത്. കഴിഞ്ഞ ഒക്ടോബര് ആറിന് രാത്രികട്ടിപ്പാറ ചെമ്പ്രകുണ്ട ജുമുഅ മസ്ജിദിന് സമീപത്തായുള്ള ഇറക്കത്തിലായിരുന്നു അപകടം.
താമരശ്ശേരിയില് വിവാഹ സല്ക്കാരത്തില് പങ്കെടുത്ത് മടങ്ങുമ്പോഴാണ് പന്നിക്കൂട്ടം റോഡിന് കുറുകെ ചാടിയത്. പന്നികള് ഇടിച്ചതിനെ തുടര്ന്ന് നിയന്ത്രണം വിട്ട് മറിഞ്ഞ ഒട്ടോറിക്ഷ റോഡില് നിന്നും മുന്ന് മീറ്റര് താഴ്ചയിലേക് പതിച്ചു.
റഷീദിന്റെ മകളും എരപ്പാന്തോട് കുരുടിയത്ത് ദില്ഷാദിന്റെ ഭാര്യയുമായ റഫ്സിന(21), മകള് ഷെഹ്സാ മെഹ്റിന്(2) എന്നിവര്ക്കും പരുക്കേറ്റിരുന്നു. തലക്ക് സാരമായി പരുക്കേറ്റ റഷീദിനെ കോഴിക്കോട് മെഡിക്കല് കോളേജ് ആശുപത്രിയില് അടിയന്തിര ശസ്ത്രക്രിയക്ക് വിധേയനാക്കിയിരുന്നു. ചികിത്സയിലിരിക്കെ ഇന്ന് ഉച്ചയോടെയായിരുന്നു മരണം.
