ജമ്മു കശ്മീരിലെ ശ്രീനഗറിൽ പൊലീസ് ബസിന് നേരെ നടന്ന ഭീകരാക്രമണത്തില് മൂന്ന് പൊലീസുകാർ കൊല്ലപ്പെട്ടു. ശ്രീനഗര് പ്രാന്തപ്രദേശത്തെ സിവാനിലെ പൊലീസ് ക്യാമ്പിന് സമീപം വച്ചാണ് തീവ്രവാദികള് പൊലീസ് ബസ് ആക്രമിച്ചത്. ജമ്മുകശ്മീര് സായുധ പൊലീസിനെ അംഗങ്ങളാണ് വീരമൃത്യുവരിച്ചത്. ഭീകരാക്രമണത്തില് 11 പേര്ക്ക് പരിക്കേറ്റെന്നാണ് ഔദ്യോഗിക അറിയിപ്പ്. ജമ്മു കശ്മീർ പൊലീസിന്റെ ഒന്പതാം ബറ്റാലിയിലെ പൊലീസുകാർക്ക് നേരെയാണ് ആക്രമണം ഉണ്ടായത്. രണ്ട് പൊലീസുകാരുടെ നില ഗുരുതരമാണ് എന്നാണ് റിപ്പോര്ട്ട്
സുരക്ഷ സേന ആക്രമണം നടത്തിയ ഭീകരര്ക്കായി തിരച്ചില് ആരംഭിച്ചിട്ടുണ്ട്. രണ്ട് ഭീകരരാണ് ആക്രമണം നടത്തിയത് എന്നാണ് സൂചന. പരിക്കേറ്റവരെ വിവിധ ആശുപത്രികളില് പ്രദേശിപ്പിച്ചിരിക്കുകയാണെന്ന് പൊലീസ് അറിയിച്ചു. ബസിനെതിരെ തീവ്രവാദികള് വലിയതോതില് വെടിയുതിര്ക്കുകയും, സ്ഫോടക വസ്തുക്കള് എറിയുകയും ചെയ്തുവെന്നാണ് റിപ്പോർട്ട്.
