ശ്രീലങ്കയ്ക്കെതിരായ രണ്ടാം ഏകദനത്തിൽ ഇന്ത്യയ്ക്ക് ജയം. നാല് വിക്കറ്റിന് ജയിച്ച് പരമ്പര ഇന്ത്യ സ്വന്തമാക്കി. ടോസ് നേടി ബാറ്റിംഗിനെത്തിയ ശ്രീലങ്ക 39.4 ഓവറില് 215ന് എല്ലാവരും പുറത്തായിരുന്നു. മറുപടി ബാറ്റിംഗില് ഇന്ത്യ 43.2 ഓവറില് ആറ് വിക്കറ്റ് നഷ്ടത്തില് ലക്ഷ്യം സ്വന്തമാക്കി. 64 റണ്സ് നേടിയ കെ എല് രാഹുലാണ് ഇന്ത്യയുടെ ടോപ് സ്കോറര്.
216 റൺസ് വിജയലക്ഷ്യം പിന്തുടർന്ന ഇന്ത്യയ്ക്ക് ലഭിച്ചത്ത് മോശം തുടക്കമാണ്. 16 ഓവറുകള് പിന്നിടുമ്പോള് നാലിന് 89 എന്ന നിലയിയിൽ കൂപ്പുകുത്തിയ ബാറ്ററിങ് നിര. കെ എൽ രാഹുലിന്റെയും ഹർദിക് പാണ്ഡ്യയുടെയും കൂട്ടുകെട്ടാണ് അടിത്തറ പാകിയത്.രോഹിത് ശര്മ (17), ശുഭ്മാന് ഗില് (21), വിരാട് കോലി (4), ശ്രേയസ് അയ്യര് (28) എന്നിവര് നിരാശപ്പെടുത്തി. ഹാര്ദിക് പാണ്ഡ്യ (36)- രാഹുല് സഖ്യം കൂട്ടിചേര്ത്ത റണ്സാണ് ഇന്ത്യയെ തകര്ച്ചയില് നിന്ന് രക്ഷിച്ചത്.
ഇരുവരും 75 റണ്സ് കൂട്ടിചേര്ത്തു. എന്നാല് ഹാര്ദിക്കിനെ വിക്കറ്റ് കീപ്പറുടെ കൈകളിലെത്തിച്ച് കരുണരത്നെ കൂട്ടുകെട്ട്തകർത്തു. ലാഹിരു കുമാര, കരുണരത്നെ എന്നിവര് രണ്ട് വിക്കറ്റ് വീതം വീഴ്ത്തി.
നേരത്തെ, ടോസ് നേടി ബാറ്റിംഗിനിറങ്ങിയ ശ്രീലങ്ക മികച്ച തുടക്കത്തിനുശേഷം 39.4 ഓവറില് 215 റണ്സിന് ഓള് ഔട്ടായി. 50 റണ്സെടുത്ത നുവാനിഡു ഫെര്ണാണ്ടോ ആണ് ലങ്കയുടെ ടോപ് സ്കോറര്. മുഹമ്മദ് സിറാജ്, കുല്ദീപ് യാദവ് എന്നിവര് മൂന്ന് വിക്കറ്റ് വീതം വീഴ്ത്തി. മൂന്ന് മത്സരങ്ങളുള്ള പരമ്പരയിലെ അവസാന ഏകദിനം ഞായറാഴ്ച കാര്യവട്ടം ഗ്രീന്ഫീല്ഡ് സ്റ്റേഡിയത്തില് നടക്കും.
