Thiruvananthapuram
പരാതിക്കാരിയെ മര്ദിച്ച കേസ്; എല്ദോസ് കുന്നപ്പിള്ളില് എംഎല്എയ്ക്ക് മുന്കൂര് ജാമ്യം
പീഡന പരാതി ഉന്നയിച്ച യുവതിയെ അഭിഭാഷകരുടെ ഓഫീസില് വെച്ച് മര്ദ്ദിച്ച കേസില് എല്ദോസ് കുന്നപ്പിള്ളില് എംഎല്എയ്ക്ക് മുന്കൂര് ജാമ്യം.
തിരുവനന്തപുരം അഡീഷണല് ജില്ലാ സെഷന്സ് കോടതിയാണ് ജാമ്യം അനുവദിച്ചത്. ഉപാധികളോടെയാണ് ജാമ്യം.
ഒരു ലക്ഷം രൂപ കെട്ടിവെയ്ക്കണം, രാജ്യം വിട്ടു പോകരുത്, രണ്ടു ദിവസം അന്വേഷണ ഉദ്യോഗസ്ഥന് മുന്നില് ഹാജരാകണമെന്നും കോടതി ഉപാധി വെച്ചു. എല്ദോസിനെ കൂടാതെ മൂന്ന് അഭിഭാഷകരും ഒരു ഓണ്ലൈന് മാധ്യമപ്രവര്ത്തകനുമാണ് കേസിലെ പ്രതികള്.
ഫോണിലൂടെ ഭീഷണിപ്പെടുത്തിയെന്ന കേസില് എല്ദോസിന്റെ സുഹൃത്തും രണ്ടാം പ്രതിയുമായ രജിനിയെ ജില്ലാ ക്രൈംബ്രാഞ്ച് സംഘം ഇന്നലെ ചോദ്യം ചെയ്തിരുന്നു. ഇന്ന് ഇവരുടെ അറസ്റ്റ് രേഖപ്പെടുത്തി ജാമ്യത്തില് വിട്ടയയ്ക്കും.
