ഛത്തീസ്ഗഡില് ജയിലില് കഴിയുന്ന കന്യാസ്ത്രീകൾക്ക് ബിലാസ്പുര് എന്ഐഎ കോടതി ജാമ്യം അനുവദിച്ചു. ജാമ്യാപേക്ഷയെ പ്രോസിക്യൂഷന് കോടതിയില് എതിര്ത്തിരുന്നു. എന്നാല് കന്യാസ്ത്രീകളെ കസ്റ്റഡിയില് ചോദ്യം ചെയ്യണോ എന്ന് ചോദിച്ചപ്പോള് ആവശ്യമില്ലെന്നായിരുന്നു പ്രോസിക്യൂട്ടറുടെ മറുപടി. കന്യാസ്ത്രീകളുടെ അഭിഭാഷകന് ഉയര്ത്തിയ വാദങ്ങളിലും പ്രോസിക്യൂഷന് എതിര്പ്പ് അറിയിച്ചിട്ടുണ്ടായിരുന്നില്ല.
കഴിഞ്ഞ വെള്ളിയാഴ്ചയാണ് അസീസി സിസ്റ്റേഴ്സ് ഓഫ് മേരി ഇമ്മാക്കുലേറ്റ് സന്യാസിനി സമൂഹത്തിന്റെ ഭാഗമായ സിസ്റ്റര് വന്ദന ഫ്രാന്സിസ്, സിസ്റ്റര് പ്രീതി മേരി എന്നിവരെ നിര്ബന്ധിത മതപരിവര്ത്തനവും മനുഷ്യ കടത്തും കുറ്റം ചാര്ത്തി അറസ്റ്റ് ചെയ്തത്.
