Kozhikode
കോഴിക്കോട് സ്വദേശിനിയായ യുവതിയെയും മക്കളെയും കാണാനില്ലെന്ന് പരാതി, വീട്ടിൽ നിന്ന് ഇറങ്ങിയത് ജോലിക്കെന്ന് പറഞ്ഞ്
കോഴിക്കോട് : കൊയിലാണ്ടി മുചുകുന്ന് കേളപ്പജി നഗർ സ്വദേശിയായ യുവതിയെയും രണ്ട് മക്കളെയും കാണാതായതായി പരാതി. വലിയ മലയിൽ അശ്വതി (27), തേജൽ (7), തൃഷൾ (5) എന്നിവരെയാണ് ഇന്ന് രാവിലെ മുതൽ കാണാതായത്.
വീട്ടിൽ നിന്നും ജോലിക്കെന്ന് പറഞ്ഞ് പോയതാണ് അശ്വതി. മക്കൾ സ്കൂൾ ബസിലുമാണ് പോയത്. എന്നാൽ വൈകുന്നേരമായിട്ടും കുട്ടികൾ തിരിച്ചെത്താതായതോടെ ബന്ധുക്കൾ സ്കൂൾ അധികൃതരുമായി ബന്ധപ്പെടുകയായിരുന്നു. അശ്വതി രാവിലെ സ്കൂളിലെത്തി കുട്ടികളെ കൊണ്ടുപോയെന്നാണ് സ്കൂൾ അധികൃതർ പറഞ്ഞതെന്ന് ബന്ധുക്കൾ കൊയിലാണ്ടി പറഞ്ഞു. സംഭവത്തിൽ ബന്ധുക്കൾ കൊയിലാണ്ടി പൊലീസിൽ പരാതി നൽകിയിട്ടുണ്ട്. പൊലീസ് അന്വേഷണം പുരോഗമിക്കുകയാണ്.
