കോഴിക്കോട്: കനത്ത മഴയിൽ ബാലുശ്ശേരി കൂരാച്ചുണ്ടിൽ ഉരുൾപൊട്ടൽ. കക്കയം 28ാം മൈലിലാണ് ഇന്നലെ രാത്രി ഉരുൾപൊട്ടലുണ്ടായത്.കളത്തിങ്ങൽ മുജീബിന്റെ വീടിനടുത്താണ് സംഭവം. സമീപത്തെ കോഴിഫാം പൂർണമായും തകർന്നു. 50 ഓളം കവുങ്ങുകൾ നശിച്ചു.
സംസ്ഥാനത്ത് ഇന്നും വ്യാപക മഴക്ക് സാധ്യതയുണ്ട്. ഇടുക്കി, എറണാകുളം, മലപ്പുറം, കോഴിക്കോട്, വയനാട് ജില്ലകളിൽ മഞ്ഞ അലർട്ട് പ്രഖ്യാപിച്ചിട്ടുണ്ട്.
