ദില്ലി : ക്രിസ്മസ് ന്യൂ ഇയർ അവധിക്കായി നാട്ടിലെത്താനാകാതെ വിഷമത്തിലായായി മറുനാടൻ മലയാളികൾ. റെയിൽവേയിൽ ടിക്കറ്റ് കിട്ടാനില്ല. എന്നാൽ വിമാനത്തിൽ വരാമെന്ന് കരുതിയാൽ ടിക്കറ്റ് നിരക്ക് ആറിരട്ടിയാക്കി വർധിപ്പിച്ചിരിക്കുകയാണ് . തിരക്ക് കണക്കിലെടുത്ത് പ്രത്യേക ട്രെയിനെന്ന മുംബൈ മലയാളികളുടെ ആവശ്യം കണക്കിലെടുക്കാതെ റെയിൽവേ മുഖം തിരിച്ചിരിക്കുകയാണ് .
എന്നാൽ മറ്റിടങ്ങളിലേക്ക് പ്രത്യേക ട്രെയിൻ ഓടിക്കുമ്പോഴാണ് കേരളത്തോടു മാത്രമുള്ള ഈ അവഗണന. ട്രെയിൽ ടിക്കറ്റുകളെല്ലാം മാസങ്ങൾക്ക് മുൻപേ വിറ്റ് പോയതിനാൽ ഈ ക്രിസ്മസ് കാലത്ത് നാട്ടിലെത്തുക മലയാളികൾക്ക് പ്രതിസന്ധിയായി. വിമാന നിരക്ക് കുത്തനെ കൂടിയതോടെ നാട്ടിലെത്തണമെന്ന ആഗ്രഹം മാറ്റിവെക്കുകയാണ് ദില്ലിയിലെ മലയാളികളെല്ലാം .
കൂടാതെ മൂന്നും നാലും ദിവസത്തെ അവധി മാത്രം കിട്ടുമ്പോൾ ഒന്നര ദിവസം ട്രെയിനിൽ ചെലവഴിക്കുന്നത് പ്രായോഗികമല്ല എന്നും ഇവർ പറയുന്നു. ആഘോഷകാലത്തെ തിരക്ക് മുന്നിൽ കണ്ട് ടൂറിസ്റ്റ് ബസുകളും കൂടിയ നിരക്കാണ് ഈടാക്കുന്നത്. നിരക്ക് ഏകീകരിക്കാനോ കുറയ്ക്കാനോ സർക്കാർ നടപടിയും ഇല്ല
