തിരുവനന്തപുരം: കെഎസ്ആര്ടിസി ജീവനക്കാര് ഇനി കാക്കി യൂണിഫോമിലേക്ക്. ജനുവരി മുതല് മാറ്റം വരുത്താനായി മാനേജ്മെന്റ് തൊഴിലാളി യൂണിയനുകളുമായി സിഎംഡി ചര്ച്ച നടത്തി. യൂണിയൻ ഭേദമന്യേ കെഎസ്ആർടിസി ജീവനക്കാർ ഏറെ നാളായി ഉയർത്തിയ ആവശ്യത്തിന് മാനേജ്മെന്റ അംഗീകാരമായി.
ഡ്രൈവര്ക്കും കണ്ടക്ടര്ക്കും ഇന്സ്പെക്ടര്ക്കും കാക്കി വസ്ത്രം . കൂടാതെ സീനിയോറിറ്റി അറിയാന് പ്രത്യേക ബാഡ്ജും ചിഹ്നങ്ങളും ഉള്പ്പെടുത്തും. മെക്കാനിക്കല് ജീവനക്കാര്ക്ക് നീല യൂണിഫോം ആയിരിക്കും. യൂണിഫോമിനുള്ള ബൾക്ക് ഓര്ഡര് ഉടന് നൽകുമെന്ന് സൂചന . കെഎസ്ആര്ടിസിയിലെ കാക്കി യൂണിഫോമിന് 2015ലാണ് മാറ്റം വന്നത്.
കെഎസ്ആർടിസിയിൽ പുതുമയും പ്രൊഫഷണല് മുഖവും കൊണ്ടുവരാൻ ആയിരുന്നു മാറ്റം. കണ്ടക്ടര്മാരുടെയും ഡ്രൈവര്മാരുടെയും യൂണിഫോം നീല ഷര്ട്ടും കടും നീല പാന്റുമാക്കി. മെക്കാനിക്കല് ജീവനക്കാര്ക്ക് ചാര നിറം. ഇന്സ്പെക്ടര്മാരുടേത് മങ്ങിയ വെള്ള ഷര്ട്ടും കറുത്ത പാന്റും.
