Kozhikode
പന്ത്രണ്ടുകാരിയെ പീഡിപ്പിച്ച കേസിൽ നൂറാംതോട് സ്വദേശിക്ക് ജീവപര്യന്തവും, അഞ്ചു ലക്ഷം പിഴയും
കൊയിലാണ്ടി: പന്ത്രണ്ടുകാരിയെ ലൈംഗികമായി പീഡിപ്പിച്ച കേസിൽ പ്രതിയെ ജീവപര്യന്തം കഠിനതടവിനും അഞ്ചു ലക്ഷം രൂപ പിഴയും കോടതി ശിക്ഷ വിധിച്ചു. നൂറാംതോട് സ്വദേശി ചെമ്മങ്കോട് വീട്ടിൽ ബിജേഷിനെയാണ് (40) കൊയിലാണ്ടി ഫാസ്റ്റ് ട്രാക്ക് സ്പെഷ്യൽ കോടതി ശിക്ഷിച്ചത്. 2020ൽ ആണ് കേസിനാസ്പദമായ സംഭവം നടന്നത്,
വീട്ടിൽ വച്ച് ബിജേഷ് പീഡിപ്പിച്ച വിവരം പെൺകുട്ടി പിന്നീട് അമ്മയുടെ സുഹൃത്തിനോട് വെളിപ്പെടുത്തുകയായിരുന്നു, തുടർന്ന് അത്തോളി പൊലീസിൽ പരാതി നൽകുകയായിരുന്നു. പ്രോസിക്യൂഷന് വേണ്ടി അഡ്വ. പി, ജെതിൻ ഹാജരായി.
