കോഴിക്കോട്: കോഴിക്കോട് ഹൈലൈറ്റ് മാളില് പരിപാടിക്കെത്തിയ നടിമാര്ക്ക് നേരെ ലൈംഗീക അതിക്രമം. സിനിമയുടെ പ്രമോഷന് പരിപാടിയില് പങ്കെടുക്കാനെത്തിയ രണ്ട് യുവനടിമാര്ക്ക് നേരെയാണ് ആള്ക്കൂട്ടത്തില് നിന്നുള്ള ചിലര് ലൈംഗീക അതിക്രമം നടത്തിയത്. അതിക്രമത്തിന് ഇരയായ നടിമാരില് ഒരാള് സമൂഹമാധ്യമത്തില് ദുരനുഭവം പങ്കുവച്ചതോടെയാണ് വിഷയം പുറത്തറിഞ്ഞത്.
മാളിലെ പ്രമോഷന് പരിപാടി കഴിഞ്ഞ് മടങ്ങുന്നതിനിടെ തനിക്കും ഒപ്പമുണ്ടായിരുന്ന മറ്റൊരു നടിക്കും നേരെ ലൈംഗീക അതിക്രമം നടന്നുവെന്നാണ് യുവനടി സാമൂഹമാധ്യമ അക്കൗണ്ടുകളില് പങ്കുവച്ച കുറിപ്പില് പറയുന്നത്.
