താമരശ്ശേരി: സംസ്ഥാനത്ത് പോപ്പുലര് ഫ്രണ്ട് ആഹ്വാനം ചെയ്ത ഹര്ത്താലിനിടെ ആക്രമണം. താമരശ്ശേരിയിൽ മുക്കം ഭാഗത്ത് നിന്നും കണ്ണൂരിലേക്ക് പോകുകയായിരുന്ന ലോറിയുടെ ചില്ല് താമരശ്ശേരി കോടതിക്ക് സമീപം വെച്ച് എറിഞ്ഞു തകർത്തു. രാവിലെ 6.30 ഓടെയാണ് സംഭവം
ആലപ്പുഴ വളഞ്ഞവഴിയിലും കോഴിക്കോടും വാഹനങ്ങള്ക്ക് നേരെ കല്ലേറിഞ്ഞു. വളഞ്ഞവഴിയില് രണ്ട് കെഎസ്ആര്ടിസി ബസുകളുടെയും രണ്ട് ലോറികളുടെയും ചില്ലുകള് തകര്ന്നു. കോഴിക്കോട് രണ്ട് കെഎസ്ആര്ടിസി ബസുകള്ക്ക് നേരെയാണ് ആക്രമണം ഉണ്ടായത്. തിരുവനന്തപുരം കാട്ടാക്കടയില് ഹര്ത്താല് അനുകൂലികള് ബസുകള് തടഞ്ഞു.
ഹര്ത്താലിനിടെ ക്രമസമാധാനം ഉറപ്പാക്കാന് കര്ശന നടപടി സ്വീകരിക്കാന് ഡിജിപി നിര്ദേശം നല്കി. അതിനിടെ യാത്രക്കാര് കുറവാണെങ്കിലും കെഎസ്ആര്ടിസി ബസുകള് സര്വീസ് നടത്തുന്നുണ്ട്. ഓട്ടോയും സ്വകാര്യ വാഹനങ്ങളും നിരത്തിലുണ്ട്. എന്നാല് സ്വകാര്യ ബസുകള് സര്വീസ് നടത്തുന്നില്ല.
പോപ്പുലര് ഫ്രണ്ട് പ്രഖ്യാപിച്ച ഹര്ത്താലില് കര്ശന സുരക്ഷയാണ് പൊലീസ് ഒരുക്കിയിരിക്കുന്നത്. ഹര്ത്താല് ദിനത്തില് ക്രമസമാധാനപാലനത്തിന് ആവശ്യമായ നടപടികള് സ്വീകരിക്കാന് സംസ്ഥാന പൊലീസ് മേധാവി അനില് കാന്ത് എല്ലാ ജില്ലാ പൊലീസ് മേധാവിമാര്ക്കും നിര്ദേശം നല്കി. അക്രമത്തില് ഏര്പ്പെടുന്നവര്, നിയമലംഘകര്, കടകള് നിര്ബന്ധമായി അടപ്പിക്കുന്നവര് എന്നിവര്ക്കെതിരെ കേസെടുത്ത് ഉടനടി അറസ്റ്റ് ചെയ്യും.
സമരക്കാര് പൊതുസ്ഥലങ്ങളില് കൂട്ടംകൂടാതിരിക്കാന് പൊലീസ് ശ്രദ്ധ ചെലുത്തും. ആവശ്യമെങ്കില് കരുതല് തടങ
