Thiruvananthapuram
ഈസ്റ്ററിനും ശമ്പളമില്ല; ശക്തമായ സമരത്തിലേക്ക് തൊഴിലാളികൾ, സർക്കാർ നൽകിയ 30 കോടി കെഎസ്ആർടിസിക്ക് കിട്ടിയിട്ടില്
തിരുവനന്തപുരം: കെഎസ്ആർടിസിയിൽ ഈസ്റ്റർ ദിനത്തിലും ശമ്പളമില്ല. സർക്കാർ നൽകിയ 30 കോടി രൂപ കെഎസ്ആർടിസിക്ക് കിട്ടിയിട്ടില്ല. തിങ്കളാഴ്ച പണം കിട്ടുമെന്നാണ് പ്രതീക്ഷ. എങ്കിൽ ബാക്കി ഓവർ ഡ്രാഫ്റ്റ് എടുത്ത് ശന്പളം നൽകാനാണ് നീക്കം. ശമ്പള വിതരണം വൈകുന്നതില് പ്രതിഷേധിച്ച് സിഐടിയും ആഭിമുഖ്യത്തിലുള്ള യൂണിയന്, ചീഫ് ഓഫീസിന് മുന്നില് റിലേ നിരാഹാര സമരം തുടരുകയാണ്.
ഈ മാസം 28ന് സൂചന പണിമുടക്ക് നടത്തുമെന്ന് സി ഐ ടി യു, ബി എം എസ് യൂണിയനുകള് പ്രഖ്യാപിച്ചിട്ടുണ്ട്. ഐ എൻ ടി യു സിയുടെ ആഭിമുഖ്യത്തിലുള്ള ടിഡിഎഫ് മെയ് 6ന് പണിമുടക്കും. തിങ്കളാഴ്ച മുതല് സെക്രട്ടേറിയേറ്റിന് മുന്നില് അനിശ്ചിതകാല സത്യഗ്രഹം നടത്തുമെന്നും ടിഡിഎഫ് അറിയിച്ചു. എഐടിയുസിയും സമരം തുടങ്ങിയിട്ടുണ്ട്.
