താമരശ്ശേരി: കെ.എസ്.ആർ.ടി.സി. താമരശ്ശേരി ഡിപ്പോ സംഘടിപ്പിക്കുന്ന ‘വുമൺ ട്രാവൽ വീക്ക്’ വിനോദയാത്ര പരിപാടി ഉദ്ഘാടനം ചെയ്തു യാത്രയെ സ്നേഹിക്കുന്ന പെണ്ണുങ്ങൾക്കായി കെ.എസ്.ആർ.ടി.സി. താമരശ്ശേരി ഡിപ്പോ ഒരുക്കുന്ന വിനോദയാത്ര പരിപാടി ‘വുമൺ ട്രാവൽ വീക്കിന്’ ആവേശകരമായ തുടക്കം.
അന്താരാഷ്ട്ര വനി താദിനത്തോടനുബന്ധിച്ച് സംഘടിപ്പിക്കുന്ന വിനോദയാത്ര പരിപാടി ജില്ലാ പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്തു.
മാർച്ച് എട്ടു മുതൽ 13 വരെ വനിതകൾക്ക് മാത്രമായി ‘വുമൺ ടാ വൽ വീക്ക്’ എന്ന പേരിൽ പ്രത്യേക വിനോദയാത്രാ പാക്കേജാണ് ഡിപ്പോ ഒരുക്കിയിട്ടുള്ളത്.
യാത്രയെ സ്നേഹിക്കുന്ന സ്ത്രീകൾക്ക് സുരക്ഷിതമായ യാത്രാ സൗകര്യമാണ് ഇതുവഴി സജ്ജീകരിക്കുന്നത്. പുലർച്ചെ നാലിന്ന് നെല്ലിയാമ്പതിയിലേക്ക് രണ്ട് ബസുകളും വണ്ടർ ലയിലേക്ക് ഒരു ബസും യാത്ര ആരംഭിച്ചു. പെണ്ണകം വനിതാകൂട്ടായ്മയുടെ നേതൃത്വത്തിൽ ഡിപ്പോയിൽ നിന്നും 6.30 ന് വയനാട്ടിലേക്കും യാത്ര പുറപ്പെട്ടു.
തുഷാരഗിരി-വനപർവം -പൂക്കോട്, നെല്ലിയാമ്പതി, മു ന്നാർ സർവീസുകൾക്കും ഗവി, വാഗമൺ സർവീസിനും പുറമേ വണ്ടർലാ അമ്യൂസ്മെൻറ് പാർ ക്ക്, എടയ്ക്കൽ, കൊടൈക്കനാൽ, മൈസൂർ എന്നിവിടങ്ങളിലേക്കാണ് സ്ത്രീകൾക്ക് മാത്രമായി യാത്ര കൾ സംഘടിപ്പിക്കുന്നത്. സ്ത്രീ കൾക്ക് ഒറ്റയ്ക്കും കൂട്ടായും പങ്കാ ളികളാവുന്ന വനിതാദിന സർ വീസുകളിൽ ഡ്രൈവറായും ടൂർ കോ-ഓർഡിനേറ്റർമാരായും വനിതകളെ ഉൾപ്പെടുത്താനുള്ള തയ്യാറെടുപ്പിലാണ് ഡിപ്പോ അധികൃതർ.
ബാലുശ്ശേരി ബസ്റ്റാന്റിൽ നടന്ന ഉദ്ഘാടന ചടങ്ങിൽ ബാലുശ്ശേരി പഞ്ചായത്ത് പ്രസിഡന്റ് രൂപ ലേഖ കൊമ്പിലാട്, അസിസ്റ്റന്റ് ട്രാൻസ്പോർട്ട് ഓഫീസർ പി.ഇ രഞ്ജിത്, ബഡ്ജറ്റ് ടൂറിസം സെൽ ജില്ലാ കോഓർഡിനേറ്റർ ബിന്ദു, ജനറൽ കണ്ട്രോളിംഗ് ഇൻസ്ട്രക്ടർ കെ ബൈജു, സ്പെഷ്യൽ അസിസ്റ്റന്റ് കെ റാണി, പെണ്ണകം വനിതാകൂട്ടായ്മ പ്രസിഡണ്ട് ഗിരിജാ പാർവ്വതി, സെക്രട്ടറി ബിന്ദു,അഡ്വ അബിജ
തുടങ്ങിയവർ പങ്കെടുത്തു.
