Kozhikode
പേരാമ്പ്ര മരക്കാടി തോട്ടിലെ വെള്ളത്തിന് ചുവപ്പ് നിറം; ജാഗ്രതാ നിര്‍ദേശവുമായി ആരോഗ്യ വകുപ്പ്
കോഴിക്കോട് : പേരാമ്പ്ര മരക്കാടി തോട്ടിലെ വെള്ളം നിറം മാറിയ നിലയില്‍ കണ്ടെത്തിയതിനെ തുടര്‍ന്ന് പരിസരവാസികള്‍ക്ക് ജാഗ്രതാ നിര്‍ദേശവുമായി ആരോഗ്യ വകുപ്പ്. പേരാമ്പ്ര താലൂക്ക് ആശുപത്രിമെഡിക്കല്‍ഓഫീസറാണ് മുന്നറിയിപ്പ് നല്‍കിയത്.തോട്ടിലെവെള്ളംചുവപ്പ്നിറത്തില്‍മാറിയതിനാലാണ്നിര്‍ദേശംപുറപ്പെടുവിച്ചത്.
പരിസരവാസികള്‍ പച്ചവെള്ളം കുടിക്കരുത്. തിളപ്പിച്ചാറ്റിയ വെള്ളം മാത്രം കുടിക്കുക. തോട്ടിലെ വെള്ളത്തില്‍ തുണി അലക്കുന്നതും കുളിക്കുന്നതും താല്‍ക്കാലികമായി നിര്‍ത്തി വെക്കണമെന്നും മെഡിക്കല്‍ ഓഫീസര്‍ അറിയിച്ചു.
വെള്ളം മലിനമായതിന്റെ കാരണം വ്യക്തമല്ല. പരിശോധന നടത്തുമെന്ന് അധികൃതര്‍ അറിയിച്ചു.
