യൂട്യൂബ് സ്റ്റാറും സംഘവും അഴിയെണ്ണും! 10.5 ഗ്രാം രാസലഹരിയുമായി യൂട്യൂബറും മൂന്ന് യുവാക്കളും കുടുങ്ങി
മലപ്പുറം: മലപ്പുറത്ത് രാസലഹരിയായ എംഡിഎംഎയുമായി വനിതാ യൂട്യൂബർ ഉൾപ്പെടെ നാലുപേർ പൊലീസിന്റെ പിടിയിലായി. കാറിൽ കടത്താൻ ശ്രമിക്കുകയായിരുന്ന 10.5 ഗ്രാം എംഡിഎംഎയാണ് മലപ്പുറം പൊലീസ് തടഞ്ഞുനിർത്തി പിടികൂടിയത്.
മലപ്പുറം ഹാജിയാർപള്ളി സ്വദേശി അനസ് (24), മങ്കട സ്വദേശി ടി.പി. ഷബീർ (26), വേങ്ങര ഊരകം സ്വദേശി സജാദ് (21), കൂട്ടിലങ്ങാടി കാവുങ്ങൽ സ്വദേശി മിനു ജാസ്മിൻ (23) എന്നിവരെയാണ് കേസിൽ പൊലീസ് അറസ്റ്റ് ചെയ്തത്. ഇതിൽ മിനു ജാസ്മിൻ ജനപ്രിയ സോഷ്യൽ മീഡിയ പ്ലാറ്റ്‌ഫോമായ യൂട്യൂബറാണ്.
ചില്ലറ വിൽപ്പനക്കായി എത്തിച്ച രാസലഹരിയാണ് പിടിച്ചെടുത്തതെന്ന് പൊലീസ് പറഞ്ഞു. രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് സംഘം വലയിലായത്. പ്രതികളെ ചോദ്യം ചെയ്തുവരികയാണെന്നും ലഹരിയുടെ ഉറവിടത്തെക്കുറിച്ചും വിതരണ ശൃംഖലയെക്കുറിച്ചും വിശദമായ അന്വേഷണം ആരംഭിച്ചതായും പൊലീസ് അറിയിച്ചു.
