നെയ്യാറ്റിൻകര: എസി റിപ്പയറിങ്ങിനിടെ കെട്ടിടത്തിന്റെ സൺഷെയ്ഡിൽനിന്ന് വീണ് യുവാവ് മരിച്ചു. താന്നിമൂട് അവണാകുഴി മണലുവിള വടക്കേത്തട്ടുവീട്ടിൽ പി എസ് സഫി (32) ആണ് മരിച്ചത്.
കൊല്ലം പരവൂർ കുറുമണ്ടൽ പിഎസ് നിവാസിൽ കുടുംബാംഗമാണ് സഫി. ശനി പകൽ 1.50നാണ് അപകടം സംഭവിച്ചത്.വഴുതൂരിലെ ഒരു വീടിന്റെ രണ്ടാം നിലയിലെ എസിയുടെ തകരാർ പരിഹരിക്കുന്നതിനായി സൺഷെയ്ഡിൽ കയറുന്നതിനിടെയാണ് സഫി താഴേക്ക് വീണത്. വീഴ്ചയിൽ ഗുരുതരമായി പരിക്കേറ്റ സഫിയെ ഉടൻ നെയ്യാറ്റിൻകര താലൂക്ക് ആശുപത്രിയിൽ എത്തിച്ചു. എന്നാൽ ചികിത്സ നൽകുന്നതിനിടെ ജീവൻ രക്ഷിക്കാനായില്ല. ശനിയാഴ്ച ഉച്ചയ്ക്ക് 1.50ഓടെയായിരുന്നു അപകടം നടന്നത്.
പ്രസന്നകുമാറാണ് സഫിയുടെ അച്ഛൻ. സജിതകുമാരിയാണ് അമ്മ. എ എസ് മഞ്ചിമയാണ് ഭാര്യ. ഐശ്വര്യനിധിയാണ് മകൾ. അഭിരാം സഹോദരനാണ്.
