വിഴിഞ്ഞം ഗേറ്റ് വേ ഇന്ന് തുറക്കും; മുഖ്യമന്ത്രി ഉദ്ഘാടനം ചെയ്യും, മിഷൻ സമുദ്ര പദ്ധതിക്കും ഇന്ന് തുടക്കം
തിരുവനന്തപുരം: വിഴിഞ്ഞം ഗേറ്റ് വേ ഇന്ന് തുറക്കും. സമ്പൂർണ കയറ്റുമതി-ഇറക്കുമതി പ്രവർത്തനങ്ങൾക്ക് തുടക്കം കുറിക്കുന്ന വിഴിഞ്ഞം എക്സിം മുഖ്യമന്ത്രി വിഡി സതീശൻ ഉദ്ഘാടനം ചെയ്യും.
കേന്ദ്രമന്ത്രി സർബാനന്ദ് സോനോവാൾ ചടങ്ങിൽ അതിഥിയായിരിക്കും. കേരളത്തെ തുറമുഖ നഗരമാക്കി മാറ്റുകയെന്ന ലക്ഷ്യത്തോടെയുള്ള മിഷൻ സമുദ്ര പദ്ധതിക്കും ഇന്ന് തുടക്കമാകും.
വിഴിഞ്ഞം എക്സിം കേരളത്തിന്റെ വികസനത്തിൽ വലിയ കുതിച്ചുചാട്ടത്തിന് വഴിയൊരുക്കുമെന്ന് മുഖ്യമന്ത്രി വിഡി സതീശൻ പറഞ്ഞു. സംസ്ഥാനത്തെ ഉൽപ്പാദകർക്ക് കുറഞ്ഞ ചെലവിൽ ലോകത്തിന്റെ വിവിധ ഭാഗങ്ങളിലേക്ക് ചരക്കുകൾ എത്തിക്കാൻ വിഴിഞ്ഞം വഴി സാധിക്കുമെന്നാണ് അദ്ദേഹത്തിന്റെ വിശദീകരണം.
ചരക്കുനീക്കത്തിൽ സമയലാഭവും പുതിയ വിപണികളിലേക്കുള്ള അവസരവുമാണ് വിഴിഞ്ഞം തുറന്നിടുന്നതെന്നും മുഖ്യമന്ത്രി പറഞ്ഞു. കയറ്റുമതിക്കും ഇറക്കുമതിക്കും കൂടുതൽ സാധ്യതകൾ സൃഷ്ടിക്കുന്നതിലൂടെ സംസ്ഥാനത്തെ ഉൽപ്പാദകർക്ക് വിഴിഞ്ഞം പ്രയോജനപ്പെടുമെന്നാണ് അദ്ദേഹത്തിന്റെ നിലപാട്.
ദക്ഷിണേന്ത്യൻ സംസ്ഥാനങ്ങളുടെ ഗേറ്റ് വേ ആയി ഇനി വിഴിഞ്ഞം മാറുമെന്നും വിഡി സതീശൻ പറഞ്ഞു. ദക്ഷിണേന്ത്യൻ സംസ്ഥാനങ്ങളിൽ നിന്നുള്ള ചരക്കുനീക്കത്തിന് വിഴിഞ്ഞം പ്രധാന കവാടമായി മാറുമെന്ന പ്രതീക്ഷയും അദ്ദേഹം പങ്കുവച്ചു.കേരളത്തെ തുറമുഖ നഗരമാക്കി മാറ്റുകയെന്ന ലക്ഷ്യത്തോടെയുള്ള മിഷൻ സമുദ്ര പദ്ധതിക്കും ഇതോടൊപ്പം തുടക്കമാകുന്നതോടെ വിഴിഞ്ഞം കേന്ദ്രീകരിച്ചുള്ള വികസനത്തിന് പുതിയ ഘട്ടം ആരംഭിക്കുകയാണ്.
