കണ്ണൂര്: തളിപ്പറമ്പ് പൂമംഗലം കൊടിലേരി പാലത്തിന് സമീപം തോട്ടില് ഒഴുക്കില്പ്പെട്ട് കാണാതായ മൂന്ന് വയസുകാരന്റെ മൃതദേഹം കണ്ടെത്തി. പരിയാരം കോരന്പീടികയിലെ പി.ടി.പി. ജാഫറിന്റെ മകന് മുഹമ്മദ് നജ്മാന് ആണ് മരണപ്പെട്ടത്. ഞായറാഴ്ച വൈകിട്ടായിരുന്നു നാടിനെ നടുക്കിയ ദാരുണ സംഭവം നടന്നത്.
ഞായറാഴ്ച വൈകുന്നേരം ബന്ധുക്കളോടൊപ്പം തോട്ടിനരികില് കുളിക്കാനെത്തിയതായിരുന്നു മൂന്ന് വയസുകാരനായ മുഹമ്മദ് നജ്മാന്. എന്നാല് തോട്ടിനരികില് നില്ക്കുന്നതിനിടെ കുട്ടി അബദ്ധത്തില് കാല്വഴുതി ശക്തമായ ഒഴുക്കുള്ള വെള്ളത്തിലേക്ക് വീഴുകയായിരുന്നു. കൂടെയുണ്ടായിരുന്നവര് പെട്ടെന്ന് തന്നെ രക്ഷിക്കാന് ശ്രമിച്ചെങ്കിലും ശക്തമായ ഒഴുക്കില്പ്പെട്ട് കുട്ടി നിമിഷങ്ങള്ക്കകം കണ്ണില്നിന്ന് മറഞ്ഞു.
തുടര്ന്ന് സ്ഥലത്തെത്തിയ പോലീസ് മൃതദേഹം ഏറ്റുവാങ്ങി നിയമപരമായ ഇന്ക്വസ്റ്റ് നടപടികള് പൂര്ത്തിയാക്കി. തുടര്ന്ന് പോസ്റ്റ്മോര്ട്ടം നടപടികള്ക്കായി മൃതദേഹം പരിയാരത്തുള്ള കണ്ണൂര് ഗവ. മെഡിക്കല് കോളേജ് ആശുപത്രി മോര്ച്ചറിയിലേക്ക് മാറ്റിയിരിക്കുകയാണ്.
