ഉള്ളിയേരി : നാറാത്ത് പാടത്തിൽ രവീന്ദ്രൻ പാടത്ത് താഴെക്കുനിയിൽ കൃഷിചെയ്ത നേന്ത്രവാഴത്തോട്ടം കാട്ടുപന്നികളെത്തി കൂട്ടത്തോടെ നശിപ്പിച്ചു. 80-ഓളം വാഴയാണ് നശിച്ചത്. 30 രൂപ നിരക്കിൽ കന്നുകളെത്തിച്ചാണ് കൃഷിയിറക്കിയത്.
രണ്ടുമാസം പ്രായമായിരുന്നു. രണ്ടുതവണ വളമിട്ട് കന്നുകൾ പുഷ്ടിപ്പെട്ടുവരുന്നതിനിടെയാണ് കൃഷി നശിപ്പിച്ചത്. പാലോറമലയിലെ കാടുകളിലാണ് പന്നികൾ താവളമാക്കിയത്. രാത്രിയിൽ മലയിറങ്ങിവന്ന് കൃഷികൾ നശിപ്പിക്കുന്നത് പതിവായിരിക്കയാണ്.
