Thiruvananthapuram
പിതാവിനെയും മകളെയും കെഎസ്ആര്ടിസി ജീവനക്കാര് മര്ദിച്ച കേസ് ഹൈക്കോടതി ഇന്ന് പരിഗണിക്കും
കാട്ടാക്കട കെഎസ്ആര്ടിസി ഡിപ്പോയില് മകളുടെ മുന്നിലിട്ട് അച്ഛനെ മര്ദിച്ച സംഭവം ഹൈക്കോടതി ഇന്ന് പരിഗണിക്കും. ജസ്റ്റിസ് ദേവന് രാമചന്ദ്രനാണ് വിഷയം പരിഗണിക്കുന്നത്. ജീവനക്കാരെ തള്ളിപറഞ്ഞ് കെഎസ്ആര്ടിസി സി.എം.ഡി. ബിജു പ്രഭാകര് നല്കിയ റിപ്പോര്ട്ട് കോടതിക്ക് മുന്നിലെത്തും.
പ്രശ്നമുണ്ടായാല് പൊലിസിനെ വിളിക്കുകയാണ് ചെയ്യേണ്ടിയിരുന്നതെന്നും, ജീവനക്കാര് നേരിട്ട് കൈകാര്യം ചെയ്യാന് പാടില്ലായിരുന്നുവെന്നുമാണ് സി.എം.ഡിയുടെ നിലപാട്. കെഎസ്ആര്ടിസി വിജിലന്സിന്റെ റിപ്പോര്ട്ടിന്റെ അടിസ്ഥാനത്തില് നാല് ജീവനക്കാരെ സസ്പെന്ഡ് ചെയ്തിരുന്നു.
അതേസമയം, ജീവനക്കാരുടെ ശമ്പള പ്രശ്നം ജസ്റ്റിസുമാരായ എ.കെ. ജയശങ്കരന് നമ്പ്യാര്, സി.പി. മുഹമ്മദ് നിയാസ് എന്നിവരടങ്ങിയ ഡിവിഷന് ബെഞ്ച് ഇന്ന് പരിഗണിക്കും.
