ശ്രീനഗര്: 2019ലെ പുല്വാമ ആക്രമണത്തിന്റെ സൂത്രധാരനെ സുരക്ഷാ സേന വധിച്ചു. ജയ്ഷെ മുഹമ്മദ് ഭീകരന് മസുദ് അസറിന്റെ ബന്ധു മുഹമ്മദ് ഇസ്മയില് അല്വിയെയാണ് കശ്മീരിലെ ഏറ്റുമുട്ടലില് സുരക്ഷാ സേന വധിച്ചത്. ലംബു എന്ന പേരിലായിരുന്നു ഇയാള് അറിയപ്പെട്ടിരുന്നത്. ഇയാളെ കുറച്ചുനാളുകളായി സൈന്യം നിരീക്ഷിച്ചുവരികയായിരുന്നു. കിഴക്കന് കാശ്മീരിന്റെ വിവിധ ഭാഗങ്ങളില് ഇയാള് വലിയ രീതിയിലുള്ള ഭീകരാക്രമണങ്ങള് നടത്തുകയും ചെയ്തു. ആഗോള ഭീകരന് മസൂദ് അസ്ഹറിന്റെ ബന്ധുവായ ഇയാള് വിവിധ ആക്രമണങ്ങളിലെ സൂത്രധാരനാണ്.
