ജീവനും സ്വത്തിനും ഭീഷണിയാകുന്ന വന്യജീവികളെ കൊല്ലുന്നതിന് കേന്ദ്ര സര്ക്കാരിന്റെ അനുമതി തേടാന് സംസ്ഥാന സര്ക്കാര്. മന്ത്രിസഭ യോഗത്തിലാണ് തീരുമാനം. ഇതിനായി വനം വകുപ്പിനെ ചുമതലപ്പെടുത്തി. നിയമവകുപ്പ് സെക്രട്ടറിയുമായി കൂടിയാലോചിച്ചു നിയമനിര്മ്മാണത്തിനുള്ള നിര്ദ്ദേശം സമര്പ്പിക്കാനാണ് വനം സെക്രട്ടറിയെ ചുമതലപ്പെടുത്തിയത്.
കൃഷിക്കും ജീവനും സ്വത്തിനും നാശം വരുത്തുന്ന കാട്ടുപന്നികളെ ഉപാധികളോടെ കൊല്ലുന്നതിന്, ചീഫ് വൈല്ഡ് ലൈഫ് വാര്ഡനില് നിക്ഷിപ്തമായ അധികാരം ഹോണററി വൈല്ഡ് ലൈഫ് വാര്ഡന്/അധികാരപ്പെട്ട ഉദ്യോഗസ്ഥന് ഡെലിഗേറ്റ് ചെയ്ത് മാര്ഗനിര്ദ്ദേശങ്ങളും നടപടിക്രമങ്ങളുമടങ്ങുന്ന സര്ക്കാര് ഉത്തരവുകളുടെ കാലാവധി ഒരുവര്ഷത്തേക്ക് കൂടി ദീര്ഘിപ്പിക്കാനും തീരുമാനമായി.
