Thiruvananthapuram
കൊവിഡ് കേസുകൾ വര്ധിക്കുന്നു, മാസ്ക് ഉപയോഗം കര്ശനമാക്കും, അതീവ ജാഗ്രത വേണമെന്നും മുഖ്യമന്ത്രി
തിരുവനന്തപുരം: പ്രതിദിന കോവിഡ് കേസുകള് വര്ദ്ധിക്കുന്ന സാഹചര്യത്തില് അതീവ ജാഗ്രത പുലര്ത്തണമെന്ന് മുഖ്യമന്ത്രി പിണറായി വിജയൻ. രണ്ടാം ഡോസ് വാക്സിനേഷന് ഊര്ജ്ജിതമാക്കണം. 12 വയസ്സിന് മുകളിലുള്ള കുട്ടികളുടെ വാക്സിനേഷന് വേഗത്തില് പൂര്ത്തീകരിക്കണം.
60 വയസ്സ് കഴിഞ്ഞവര്ക്കുള്ള ബൂസ്റ്റര്ഡോസ് കൂടുതല് നല്കാനാകണം. ആള്ക്കൂട്ടങ്ങളിലും സ്കൂളുകളിലും മാസ്ക് ഉപയോഗം കര്ശനമാക്കണമെന്നും മുഖ്യമന്ത്രി പറഞ്ഞു. ചീഫ് സെക്രട്ടറിയുള്പ്പെടെയുള്ള ഉദ്യോഗസ്ഥരും ജില്ലാ കലക്ടര്മാരും പങ്കെടുത്ത യോഗത്തില് സംസാരിക്കുകയായിരുന്നു മുഖ്യമന്ത്രി.
