തൊടുപുഴ: ഇടുക്കി അടിമാലിയിൽ വഴിയിൽ നിന്ന് കിട്ടിയ മദ്യം കുടിച്ചതിനെ തുടർന്ന് മൂന്ന് യുവാക്കൾക്ക് ശാരീരിക അസ്വസ്ഥത ഉണ്ടായ സംഭവത്തിൽ കസ്റ്റഡിയിലുള്ള യുവാവിനെ പോലീസ് ചോദ്യം ചെയ്യുകയാണ്. മദ്യം കഴിച്ചവരുടെ സുഹൃത്ത് സുധീഷിനെയാണ് ചോദ്യം ചെയ്യുന്നത്.
വഴിയിൽ കിടന്ന് ലഭിച്ച മദ്യം സുധീഷിനാണ് നൽകിയതെന്ന് ചികിത്സയിലുള്ളവർ മൊഴി നൽകിയിരുന്നു. മൊഴിയുടെ അടിസ്ഥാനത്തിലാണ് ഇയാളെ പോലീസ് ചോദ്യം ചെയ്യുന്നത്. അടിമാലി സ്വദേശികളായ അനിൽകുമാർ , കുഞ്ഞുമോൻ, മനോജ് എന്നിവരാണ് കോട്ടയം മെഡിക്കൽ കോളജിൽ ചികിത്സയിലുളളത്.
കൂടാതെ കത്തിച്ച നിലയിൽ മദ്യക്കുപ്പി പോലീസ് കണ്ടെടുത്തിരുന്നു. ഭക്ഷ്യ വിഷബാധ അല്ലെന്ന് ആശുപത്രി അധികൃതർ പൊലീസിനെ അറിയിച്ചിട്ടുണ്ട്. സംഭവത്തിൽ അടിമാലി പൊലീസ് കേസ് എടുത്ത് അന്വേഷണം തുടങ്ങി. വ്യാജമദ്യം ആണോ എന്നാണ് പ്രധാനമായും അന്വേഷിക്കുന്നത്.
