Thiruvananthapuram
ഏഴ് മാസം പ്രായമുള്ള പെണ്കുഞ്ഞിനെ തട്ടിക്കൊണ്ടുപോകാന് ശ്രമം; രണ്ട് പേർ പിടിയില്
തിരുവനന്തപുരം: തിരുവനന്തപുരത്ത് വിതുരയില് ഏഴുമാസം പ്രായമുള്ള പെണ്കുഞ്ഞിനെ തട്ടിക്കൊണ്ടുപോകാന് ശ്രമം.
തോട്ടുമുക്ക് സ്വദേശി ഷാനിന്റെ കുഞ്ഞിനെയാണ് തട്ടിക്കൊണ്ടുപോകാന് ശ്രമിച്ചത്.ആന്ധ്ര സ്വദേശിയെയും സുഹൃത്തിനെയും നാട്ടുകാര് പിടികൂടി വിതുര പൊലീസില് ഏല്പ്പിച്ചു. രാവിലെയോടെയാണ് സംഭവം.വിതുര തോട്ടുമുക്കില് 7 മാസം പ്രായമുള്ള പെണ്കുഞ്ഞിനെയാണ് തട്ടിക്കൊണ്ടുപോകാന് ശ്രമം നടന്നത്. ഷാനും ഭാര്യയും രണ്ട് മക്കളുമാണ് വീട്ടില് ഉണ്ടായിരുന്നത്.
വീടിന്റെ സിറ്റ് ഔട്ടിന് സമീപം കളിച്ച് കൊണ്ട് ഇരുന്ന കുട്ടിയെ ആന്ധ്ര സ്വദേശിയും സുഹൃത്തും എടുത്തുകൊണ്ടുപോകാന് ശ്രമിക്കുകയായിരുന്നു.
പ്രതിയെയും കൂടെ ഉണ്ടായിരുന്ന ആളെയും നാട്ടുകാര് പിടികൂടി പൊലീസില് ഏല്പ്പിച്ചു. ഇരുവരെയും കസറ്റ്ഡിയില് എടുത്ത് വിതുര പൊലീസ് അന്വേഷണം ആരംഭിച്ചു.
