ഏകദിന ലോകകപ്പിൽ ന്യുസീലൻഡിന് രണ്ടാം ജയം. നെതർലൻഡ്സിനെ 99 റൺസിന് തോൽപ്പിച്ചാണ് ന്യൂസീലൻഡ് രണ്ടാം ജയം സ്വന്തമാക്കിയത്. സ്കോർ- ന്യുസീലാൻഡ് – 322/7 , നെതർലൻഡ്സ്- 223/10.
നെതർലൻഡ്സിന് വേണ്ടി ആകെ പൊരുതിയത് കോളിൻ അക്കെർമാൻ മാത്രമാണ്. 73 പന്തിൽ 69 റൺസെടുത്തായിരുന്നു അക്കെർമാന്റെ പോരാട്ടം. ക്യാപ്റ്റൻ സ്കോട്ട് എഡ്വേർഡ് 27 പന്തിൽ 30 റൺസെടുത്തു.
ഡച്ച് ടീമിനെ വിരട്ടിയത് സ്പിന്നർ മിച്ചൽ സാന്റ്നറാണ്. അഞ്ച് വിക്കറ്റാണ് സാന്റ്നർ വീഴ്ത്തിയത്. മാറ്റ് ഹെൻറി മൂന്ന് വിക്കറ്റെടുത്തു.
