Ernakulam
കളമശേരി സ്ഫോടനം: അവധിയിലുള്ള ആരോഗ്യ പ്രവര്ത്തകർ അടിയന്തരമായി തിരിച്ചെത്തണം; മന്ത്രി വീണാ ജോര്ജ്
കൊച്ചി: കളമശേരിയില് പൊട്ടിത്തെറി ഉണ്ടായ സംഭവത്തിൽ മികച്ച ചികിത്സയൊരുക്കാന് ആരോഗ്യ വകുപ്പ് മന്ത്രി വീണാ ജോര്ജ് ആരോഗ്യ വകുപ്പ് ഡയറക്ടര്ക്കും മെഡിക്കല് വിദ്യാഭ്യാസ വകുപ്പ് ഡയറക്ടര്ക്കും നിര്ദേശം നല്കി. ഒപ്പം ആശുപത്രികള്ക്ക് ജാഗ്രതാ നിര്ദേശവും നല്കി. അതുപോലെ അവധിയിലുള്ള മുഴുവന് ഡോക്ടര്മാര് ഉള്പ്പെടെയുള്ള ആരോഗ്യ പ്രവര്ത്തകരും
അടിയന്തരമായി തിരിച്ചെത്താന് മന്ത്രി നിര്ദേശം നല്കി. കളമശേരി മെഡിക്കല് കോളേജ്, എറണാകുളം ജനറല് ആശുപത്രി, കോട്ടയം മെഡിക്കല് കോളേജ് എന്നിവിടങ്ങളില് അധിക സൗകര്യങ്ങളൊരുക്കാനും നിര്ദേശം നല്കി. അധിക ജീവനക്കാരുടെ സേവനവുമൊരുക്കും. ജില്ലയിലെ മറ്റാശുപത്രികളിലും സൗകര്യമൊരുക്കാന് മന്ത്രി നിര്ദേശം നല്കി.
